COINDETA  SUI

 
  Coindeta sui si com n'a greu cossire,
  per mon marit, car ne·l voil ne·l desire.
I
Qu'eu be·us dirai per que son aissi drusa:
          coindeta sui, si cum n'ai greu cossire,
quar pauca son, joveneta e tosa,
5 
          coindeta sui si com n'a greu cossire,
e degr'aver marit dont fos joiosa,
ab cui toz temps pogues jogar e rire.
         Coindeta sui si com n'a greu cossire,
per mon marit, car ne·l voil ne·l desire.
 
 

10
II

Ja Deus no·m sal, si ja·n sui amorosa:
         coindeta sui si com n'a greu cossire,
de lui amar mia sui cobeitosa,
         coindeta sui si com n'a greu cossire,
anz, quant lo vei, ne son tant vergoignosa
 
 
 
 

15
qu'eu prec la mort que·l venga tost aucire.
         Coindeta sui si com n'a greu cossire,
per mon marit, car ne·l voil ne·l desire.
III
Mais d'una ren m'en son ben acordada:
         coindeta sui si com n'a greu cossire,		 20
se·l meu amic m'a s'amor emendada,
         coindeta sui si com n'a greu cossire,
ve·l bel esper a cui  me son donada;
plaing  e  sospir, quar  ne·l vei ne ·l remire.
         Coindeta sui si com n'a greu cossire,
 
 

25
         per mon marit, car ne·l voil ne·l desire.
IV
E dirai vos de que·m sui acordada:
        coindeta sui si com n'a greu cossire,
que·l meu amic m'a longament amada,
coindeta sui si com n'a greu cossire,
 
 

30
ar li sera m'amor abandonada
el bel esper, qu'eu tant am e desire.
        Coindeta sui si com n'a greu cossire,
        per mon marit, car ne·l voil ne·l desire. 
V
         En aquest son faz coindeta balada,
35
        coindeta sui si com n'a greu cossire,
e prec a tos que sia loing cantada,
        coindeta sui si com n'a greu cossire,
e  que la chant tota donna ensegnada
del meu amic, qu'eu tant am e desire.
 
 

40
       Coindeta sui si com n'a greu cossire,
       per mon marit, car ne·l voil ne·l desire.